Nýsprautun | Fréttir & tilkynningar

Jólastund Nýsprautunar og Bílakjarnans

Mon, 02 Dec 2024 11:32:08 GMT

Tónlist, gleði og samvera

Þann 28. nóvember síðastliðinn var haldin glæsileg Jólastund Nýsprautunar og Bílakjarnans og mættu fjöldi viðskiptavina og velunnara til að fagna þessum sérstaka viðburði. Þetta árið var tækifærið sérstaklega hátíðlegt þar sem Nýsprautun fagnaði 25 ára afmælisári sínu og Bílakjarninn hélt upp á 5 ára afmæli.

Gestir nutu léttra veitinga sem höfðu verið vandlega valdar fyrir tilefnið, ásamt ljúfum tónum sem fylltu salinn af jólabrag og notalegri stemningu. Elmar Þór Hauksson heillaði gesti með sinni einstöku rödd en honum til fulltingis var Arnóri Vilbergsson sem lék undir á hljómborð af sinni alkunnu snilld.

Við viljum þakka öllum sem tóku þátt í að gera Jólastundina að ógleymanlegum viðburði.

Við hlökkum til að halda áfram að þjónusta ykkur og sjá ykkur aftur á nýju ári. Gleðileg jól og farsælt komandi ár!

Jólastund Bílakjarnans og Nýsprautunar 2022

Sat, 10 Dec 2022 13:56:45 GMT

Nýsprautun og Bílakjarninn buðu viðskiptavinum í jólastund þann 1. desember s.l. og kynntu þar m.a. nýja rafbíla frá Volkswagen. Boðið var upp léttar veitingar og ljúfa tóna en það voru þeir Elmar Þór Hauksson sem söng og Arnór Vilbergsson sem lék undir á hljómborð. Víkurfréttir mættu að sjálfsögðu á staðinn og hér má lesa frétt þeirra og skoða fleiri myndir .

Myndir: Egill Vignisson

Ný vefsíða

Fri, 12 Mar 2021 17:12:47 GMT

Við erum stolt af því að kynna nýja og glæsilega vefsíðu. Vefsíðan er sérstaklega hönnuð fyrir allar tegundir tækja, bæði tölvur og snjalltæki. Við ætlum okkur að vera dugleg að uppfæra fréttir og tilkynningar og hagnýta ýmsar tæknilegar lausnir til að þjónusta viðskiptavini okkar betur.

Við þökkum Agli Vignissyni hjá BEISIK fyrir hönnun og ráðgjöf og hlökkum til nánara samstarfs.

Nýsprautun tekur við söluumboði og þjónustu fyrir Heklu á Suðurnesjum

Sat, 23 Nov 2019 15:41:47 GMT

Á haustmánuðum 2019 tók Nýsprautun við söluumboði Heklu á Suðurnesjunum. Af því tilefni kom Páll Ketilsson hjá Víkurfréttum í heimsókn til okkar og í kjölfarið birtist skemmtileg umfjöllun í blaðinu sem sjá má með því að smella á slóðina hér að neðan.

https://www.vf.is/vidskipti/thad-hefur-alltaf-verid-mikill-bilaahugi-a-sudurnesjum